Mon Poezi Favoryte
Mon pa oule en baton
Donn mwan plito en kreyon
Mwan larsitek
Mwa desin en miray
Lo ban koray
Pou protez bann tektek
Mwa konstri en bato
Avek lapo koko
Pou kontiny mon vwayaz
Reve menm parmi bann nwaz
Lo lezel en zwazo
Mwa mont pli o, pli o
Pou mwan admir pli byen
Nou losean Endyen
Lo bann zetwal
Mwa ekri en ta zoli vers
Lo deroulman festival
Pandan ki mon kontiny mon resers
Answit
Mwa sanz mwan an skafandrye
Pran la fwit
Avek zanmi delosale
Invite lo radio
Mwa resit zot bokou zoli mo
An recital
Mon partisipasyon kreol lo festival